8 снежня ў філіяле “Гарадская дзіцячая бібліятэка” адбылася экскурсія “У каралеўстве кніжным”. Пазнаёміцца з дзіцячай бібліятэкай прыйшлі вучні 1 “А” класа ДУА “Сярэдняя школа №5 г.Смаргоні”. Супрацоўнікі бібліятэкі ў гульнёвай форме расказалі маленькім чытачам аб правілах карыстання бібліятэкай. Дзеці даведаліся аб беражлівых адносінах да кнігі, аб тым, як паводзіць сябе ў залах бібліятэкі і арыентавацца ў бібліятэчнай прасторы. Бібліятэкар Дзембіцкая А.А. правяла агляд мастацкай літаратуры і перыядычных выданняў для малодшага школьнага ўзросту. Дзеці з задавальненнем удзельнічалі ў конкурсе інтэрактыўных загадак “Казачная карусель”, віктарынах “Верни предмет в сказку”, “Узнай сказку по описанию”. Лялечны тэатр “Праменьчык” выступіў з п’есай-казкай “Дзве кнігі”. Напрыканцы мерапрыемства маленькія чытачы выбралі сабе кнігі на свой густ.
