Традыцыйна ў перыяд школьных вясновых канікулаў праводзяцца мерапрыемствы ў рамках Тыдня дзіцячай кнігі. 26 сакавіка ў філіяле “Гарадская бібліятэка №1” адбылося падарожжа ў казачны свет “Созвездие сказочных героев”. На мерапрыемства завіталі вучні з аздараўленчага лагера “Сорванцы” УА “Смаргонская пачатковая школа”. Вядучая расказала дзецям аб гісторыі стварэння свята. Маленькія чытачы з задавальненнем прынялі ўдзел у падарожжы па любімых казках, адказвалі на пытанні інтэрактыўнай віктарыны “Любімыя героі казак”, пагулялі ў гульню “Передвижные средства сказочных героев” і адгадалі загадкі аб назвах казак. Падарожжа завяршылі выступленнем лялечнага тэатра “Праменьчык” з пастаноўкай казкі “Кот і ліса”.
