21 сакавіка бібліятэкары філіяла “Гарадская бібліятэка №1” запрасілі сваіх чытачоў і членаў клуба “Ліра” на дачныя пасядзелкі “В саду ли, в огороде…”. Удзельнікам на працягу сустрэчы былі прапанаваны жарты, вершы, песні, конкурсы дачнай тэматыкі. Вучні ДУА “Сярэдняя школа №5” падрыхтавалі прыгожыя музычныя нумары. Прысутныя ахвотна ўдзельнічалі ў конкурсе на лепшую дачную частушку. Магазін “Сад. Огород.” мікрараёна “Усходні” прадставіў для выставы-інсталяцыі “Дачны сезон пачынаецца з бібліятэкі…” новыя сарты насення, удабрэнні, падкормкі і інш. За кубачкам гарбаты былі абмеркаваны цікавыя і карысныя ідэі, парады па вырошчванню гародніны, кветак. Л.Э. Попель – дачніца са стажам, падзялілася вопытам упрыгожвання дачнага ўчастка, яе фотаздымкі зацікавілі ўсіх прысутных.
