30 кастрычніка ў філіял «Гарадская бібліятэка №3» завіталі ўдзельнікі спартыўна-аздараўленчага лагера «Смена» ДУСУ «ДЮСШ по футболу г. Сморгонь». Бібліятэкары ў межах Года малой радзімы падрыхтавалі квэст «Помнікі Смаргоншчыны: гісторыя і культура», каб здзейсніць завочнае падарожжа па памятных і гістарычных мясцінах. Тры каманды ўдзельнікаў атрымалі маршрутныя лісты з паслядоўнасцю праходжання пяці этапаў. Дзеці разгадвалі рэбусы, красворды, вызначалі помнікі па фрагменце і шукалі інфармацыю ў фондзе бібліятэкі, складалі пазлы з выявай памятных мясцін Смаргоні.
